Ժամանակն է ճանաչել Հայոց ցեղասպանությունը․ ԱՄՆ կոնգրեսականի հայտարարությունը
ԱՄՆ Ներկայացուցիչների պալատում Սիրիայի հյուսիսից ամերիկյան զորքի դուրսբերման թեմայով քննարկում է տեղի ունեցել։ Կոնգրեսական Բրեդ Շերմանը, այս համատեքստում խոսել է ամերիկյան սխալ քաղաքականության և դրա հետևանքով Հայոց ցեղասպանությունը չճանաչելու մասին։
Նրա խոսքով՝ թեև ամերիկյան դիվանագիտությունը հիմնվում է ազնվության և պատվի վրա, բայց դեռ 1940-ականներից իրենց վարչակազմը չի ճանաչել Հայոց ցեղասպանությունը՝ օժանդակելով ՆԱՏՕ-ում իրենց դաշնակից Թուրքիային։ Կոնգրեսականի կարծիքով՝ դա ստորացում է Միացյալ Նահանգների համար։
«Ժամանակն է ճանաչել Հայոց ցեղասպանությունը»,- ասել է կոնգրեսականը։
Հիշեցնենք, որ Հայոց ցեղասպանության ճանաչման հարցը շահարկման թեմա է ամերիկյան քաղաքական վերնախավում և որպես մտրակ է օգտագործվում Թուրքիայի դեմ, երբ անհրաժեշտ է լինում Թուրքիային մղել ԱՄՆ համար ձեռնտու ուղղությամբ։
Նշենք նաև, որ Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) Դիարբեքիրից ընտրված հայ պատգամավոր Թուրքիայի գործողությունները Սիրիայում որակել է որպես տեղահանություն և ցեղասպանության փորձ։
