Սիրիայում վերսկսվել է ռմբակոծությունը
Թուրքիայի զինված ուժերը այսօր վերսկսել են հարձակումները Սիրիայի Ռաս ալ Այն քաղաքի վրա՝ չնայած ժամանակավոր հրադադարի շուրջ Ամերիկայի հետ համաձայնությանը։
Հայտնի է դարձել, որ վերսկսվել են քաղաքի գնդակոծություններն ու բախումները, կրակոցներ են հնչել, եւ ծուխ է երևացել մի քանի թաղամասերում: Թուրքիայի Վան նահանգում էլ փոխհրաձգություն է տեղի ունեցել քուրդ զինյալների ու թուրք զինվորականների միջև. Փոխհրաձգության հետևանքով զոհվել է 1 թուրք զինծառայող, ևս 2-ը վիրավորվել են:
Թուրքիայի իշխանությունները դեռեւս չեն մեկնաբանում այդ տեղեկությունը:
Նախօրեին ԱՄՆ-ը եւ Թուրքիան Անկարայում բանակցությունների արդյունքներով Սիրիայի հյուսիսում թուրքական գործողությունների դադարեցման շուրջ համաձայնության էին հասել: Թուրքիան համաձայնել էր 120 ժամով դադարեցնել կրակը:
