Կապ չունի, թե ում հայրն է, խոսքը գնում է օրինականության մասին. Սիմոնյանը` ԱԱԾ գործողության մասին
ՀՀ ԱԺ փոխնախագահ Ալեն Սիմոնյանին խորհրդարանում ճեպազրույցի ժամանակ լրագրողները հարցրել են ԱԱԾ գործողությունների և Հրայր Թովմասյանի հոր տուն այցելելու մասին:
«Ես չգիտեմ, թե ինչ պատճառով են այցելել, բայց վստահ կարող եմ ասել, որ որևէ կապ չունի, թե դա ում հայրն է, քանի տարեկան է, խոսքը գնում է օրինականության մասին: Եթե տվյալ անձը չլիներ ինչ-որ մեկի հայրը և լիներ տեղեկություն, մեկ է՝ այցելելու էին: Իմ հայրն էլ լիներ, այցելելու էին: Իմ հետ կապված նույնպես դեպքեր են եղել և կան դեպքեր, որ ինձ կանչել են Քննչական, ցուցմունք եմ տվել՝ գրավելով այն պաշտոնը, որը զբաղեցնում եմ: Ես դա չեմ համարում իմ նկատմամբ հետապնդում»,- ասել է Սիմոնյանը:
