ArmDaily.am-ի տեղեկություններով բնապահպանության նախկին նախարար Արամ Հարությունյանը, ով այժմ հետախուզման մեջ է, թաքնվում է Թուրքիայում: Ըստ մեզ հասած լուրերի Հարությունյանը կարողացել է այսքան ժամանակ մնալ ընդհատակում որոշակի պայմանավորվածության արդյունքում։ Հարությունյանը թաքնվելու համար ընտրել է հենց Թուրքիան, քանի որ այս երկրի հետ մենք չունենք դիվանագիտական հարաբերություններ և հայտնաբերվելու դեպքում էլ Թուրքիան Հարությունյանին չի հանձնի Հայաստանին:

Նշենք, որ ըստ ՀՔԾ-ի` Արամ Հարությունյանը, ով 2007թ. հունիսի 8-ից զբաղեցրել է բնապահպանության նախարարի պաշտոնը, գործարար Սիլվա Համբարձումյանից պահանջել և ստացել է 14 մլն դոլար կաշառք հանքերևակումների ուսումնասիրության 10 հատուկ լիցենզիաներ տրամադրելու գործընթացն իրականացնելու, հետագայում ուսումնասիրության ժամկետները երկարացնելու և հանքերի շահագործման թույլտվություն ստանալու հարցը նրա օգտին լուծելու համար: Իսկ ահա Արամ Հարությունյանը չի ընդունում իրեն առաջադրված մեղադրանքը: