Ռուսաստանի կողմից Լեռնային Ղարաբաղի կարգավիճակին արվող հրապարակումները տեղին են. Զախարովա

ՌԴ Արտաքին գործերի նախարարության խոսնակ Մարիա Զախարովան մեկնաբանել է Ստեփանակերտի՝ «Արցախի ընկերների ֆորում»-ին Ռուսաստանի Դաշնության պատգամավոր Կոնստանտին Զատուլինի մասնակցությունը և Ադրբեջանի ԱԳՆ-ի արձագանքը, որը այցից հետո բողոքի նոտա է հղել Մոսկվային:

Զախարովան հաստատեց, որ Ռուսաստանի Դաշնության արտաքին գործերի նախարարության կողմից ստացվել է նմանատիպ փաստաթուղթ (բողոքի նոտայով)՝ հավելելով, որ Արտաքին գործերի նախարարության կայքում տեղադրվել է գործող ընթացիկ նախազգուշացում, որ Ադրբեջանը «կշարունակի արգելել մուտքը Ղարաբաղ այցելող քաղաքացիների համար», և դա պաշտոնական Բաքվի դիրքորոշումն է:

«Ռուսաստանի արտաքին գործերի նախարարության դիրքորոշումը Ղարաբաղյան հակամարտության վերաբերյալ և դրա լուծման ուղիները հայտնի են և մնում են անփոփոխ: Ինչ վերաբերում է Լեռնային Ղարաբաղի կարգավիճակին, նաև բոլոր գնահատականներին, բոլոր այն հայտարարություններին, որոնք արվել են նախկինում ռուսական կողմից, դրանք տեղին են: Կարգավիճակը պետք է որոշվի Մինսկի գործընթացի շրջանակներում քաղաքական բանակցությունների միջոցով»,- ասել է նա Մոսկվայում կայացած ճեպազրույցում:

Ինչ վերաբերում է ռուս քաղաքական գործիչներին, օրենսդիր ճյուղի ներկայացուցիչներին, քաղաքացիական հասարակության ներկայացուցիչներին, ովքեր հայտարարություններ են անում Ղարաբաղյան խնդրի վերաբերյալ, Զախարովան նշեց, որ դրանք ներկայացնում են իրենց անձնական տեսակետը