ՏԵՍԱՆՅՈՒԹ. Քոչարյանին մի բան եմ ասել` հույս ունեմ չեմ մեռնի և կտեսնեմ Ձեր դատաստանը. քաղաքացի
Ազգային Ժողովում, «Պետության կողմից «Հյուսիսային պողոտա-Կասկադ» ծրագրով, բացառիկ գերակա հանրային շահ ճանաչելու հետևանքով սեփականության իրավունքի ոտնահարման խնդիրները» թեմայով, փաստահավաք խորհրդարանական լսումները շարունակվում են: Քիչ առաջ ելույթ ունեցավ քաղաքացի Տատյանա Զատիկյանը: Վերջինսհայտարարեց, որ «իրեն բախտ է վիճակվել» նախկինում հանդիպել երկրորդ նախագահ Ռոբերտ Քոչարյանին:
Վերջինս մեջբերեց Քոչարյանի խոսքերը՝ «ամեն ինչ հասկանում եմ, բայց 3000 մարդ լռել-այն ստորագրել, գնացել է, միայն մի տղամարդ է մնացել, որ փորփրում է»։
Զատիկյանը նաև ասաց, թե ինչ պատասխան է տվել Քոչարյանի այս խոսքերին։
«Ես նրան մի բան եմ ասել՝ հույս ունեմ չեմ մեռնի և կտեսնեմ Ձեր դատաստանը, էսօր դա տեսնում եմ, շնորհակալ եմ։ Հույս ունեմ՝ բոլորը ստանալու են իրենց պատասխանը, ես ապրել եմ այն օրը, որ մեր երկրում հեղափոխություն է եղել»,- ասաց նա։
