«Հրապարակ». Իմքայլականները «վատացել» են Արփինե Հովհաննիսյանին ու Դավիթ Հարությունյանին ԵԽԽՎ-ում տեսնելով
«Հրապարակ» թերթը գրում է.
Թերթի տեղեկություններով՝ Դավիթ Հարությունյանն ու Արփինե Հովհաննիսյանը երեկ մեկնել են Ստրասբուրգ։ Նրանց ԵԽԽՎ օտարերկրյա պատվիրակների հետ շփվելիս տեսել են Հայաստանի պատվիրակության անդամները։ Թե ինչ հարցով են նախկին իշխանության ներկայացուցիչները գործուղվել ԵԽԽՎ, մեզ պարզել չհաջողվեց, սակայն իմքայլական պատվիրակներն ուղղակի «վատացել» են նախկիններին ԵԽԽՎ-ում տեսնելով։
Հատկապես, որ իշխանության ներկայացուցիչներն այսօր ընդհատելու են այցը եւ վերադառնալու են Հայաստան, քանի որ խորհրդարանը քննելու է ՍԴ նախագահ Հրայր Թովմասյանի լիազորությունները դադարեցնելու հարցը, եւ հարկավոր է, որ ողջ թիմը մասնակցի քվեարկությանը։ Չէ՞ որ իշխանությունը կյանքի-մահվան խնդիր է դարձրել Հրայր Թովմասյանի հեռացման հարցը։
Մանրամասները թերթի այսօրվա համարում
