Վարչապետ Նիկոլ Փաշինյանն այսօր՝ սեպտեմբերի 25-ին, Նյու Յորքում հանդիպել է Ամերիկայի հայկական համագումարի ղեկավարների հետ: Այս մասին տեղեկացնում է վարչապետի մամուլի ծառայությունը:

Աշխատանքային այցով Նյու Յորքում գտնվող վարչապետ Նիկոլ Փաշինյանը հանդիպել է Ամերիկայի հայկական համագումարի ղեկավար կազմի` համանախագահողներ Վան Գրիգորյանի եւ Էնթոնի Բարսամյանի, համագումարի գործադիր տնօրեն Բրայան Արդունիի հետ: Վարչապետը կարեւորել է կազմակերպության՝ Հայաստան-Սփյուռք կապերի ամրապնդմանը եւ համահայկական օրակարգի հարցերի բարձրաձայնմանն ու առաջմղմանն ուղղված գործունեությունը: Հանդիպման ընթացքում քննարկվել են հայ-ամերիկյան հարաբերություններին եւ դրանց զարգացման հնարավորություններին վերաբերող հարցեր: 

Անդրադարձ է կատարվել նաեւ Ամերիկայի հայկական համագումարի գործունեությանը եւ առաջիկա ծրագրերին: