![Աշտարակում BMW-ով բախվել է խանութի պատին և կողաշրջվել. կան վիրավորներ](https://auroranews.am/storage/img/base_image/old/0bc8d5fe6886ba5b822019f6cf4f52a1.webp)
Աշտարակում BMW-ով բախվել է խանութի պատին և կողաշրջվել. կան վիրավորներ
![Աշտարակում BMW-ով բախվել է խանութի պատին և կողաշրջվել. կան վիրավորներ](https://auroranews.am/storage/img/base_image/old/0bc8d5fe6886ba5b822019f6cf4f52a1.webp)
Ճանապարհային ոստիկանության 2-րդ սպայական գումարտակի 2-րդ վաշտի հետաքննիչ Խալաթյանի կողմից նյութեր են նախապատրաստվում սեպտեմբերի 16-ին Արագածոտնի մարզում տեղի ունեցած ավտովթարի փաստով։ Ժամը 05։30-ի սահմաններում Աշտարակ քաղաքի բնակիչ՝ 23-ամյա Դավիթ Զազյանը իր վարած BMW մակնիշի 29 XX 299 համարանիշի ավտոմեքենայով Աշտարակ քաղաքի Նարեկացի փողոցում դեռևս անհայտ պայմաններում դուրս է եկել ճանապարհի երթևեկելի գոտուց և կողաշրջված վիճակում հայտնվել թիվ 132 հասցեում գտնվող խանութի պատի մոտ։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Դ. Զազյանն ու նրա ուղևոր՝ Աշտարակ քաղաքի բնակիչ, 22-ամյա Գագիկ Պռոշյանը մարմնական վնասվածքներով տեղափոխվել են «Աշտարակ» բժշկական կենտրոն։