ՃՈ-ն այլևս չի հանի մեքենաների համարանիշները՝ շահագործումն արգելելու համար
Ազգային ժողով ներկայացված նախագծի ընդունման դեպքում ՀՀ ճանապարհային ոստիկանությունն այլևս չի հանի մեքենաների պետհամարանիշները՝ դրանց շահագործումն արգելելու նպատակով։ Կարգավորման բնույթն այսօր ԱԺ-ում ներկայացրեց ոստիկանության պետի տեղակալ Հովհաննես Քոչարյանը։
Խոսքը տեխզննում անցած չլինելու, կտրոնը փակցրած չլինելու կամ մեքենան անօրինական վերասարքավորելու դեպքերի մասին է։
Դրա փոխարեն տրանսպորատային միջոցի շահագործումը կարգելվի հաշվառման փաստաթուղթը վերցնելու միջոցով, իսկ վարորդին կտրվի 10 օր ժամանակ՝ խախտումները վերացնելու նպատակով։
