Հրդեհ Սարուխան գյուղում, այրվել է 1000 հակ անասնակեր

«911» ծառայությունը սեպտեմբերի 6-ին, ժամը 13:15-ին ահազանգ է ստացել, որ Գեղարքունիքի մարզի Սարուխան գյուղում այրվում է անասնակեր։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 14։50-ին, մարվել՝ 16։00-ին: Սարուխան գյուղի Մեսրոպ Մաշտոցի փողոցի տներից մեկի բակում այրվել է մոտ 1000 հակ անասնակեր: