Երիտասարդ աղջկա սպանության մեջ մեղադրվող տղամարդը կալանավորվեց․ մանրամասներ
Երեւանի ընդհանուր իրավասության դատարանի դատավոր Աննա Մաթեւոսյանը երեկ՝ սեպտեմբերի 5–ին բավարարել է քննիչի միջնորդությունը եւ կալանավորման որոշում կայացրել
Երեւանի Բրյուսովի փողոցի բնակարաններից մեկում օրեր առաջ տեղի ունեցած 28-ամյա կնոջ սպանության մեջ մեղադրվող Վրաստանի քաղաքացիություն ունեցող ազգությամբ հայ 34–ամյա Մ. Սարկիսյանի նկատմամբ։ 34–ամյա տղամարդուն մեղադրանքն առաջադրվել է ՀՀ ՔՕ-ի 104-րդ հոդվածի 1-ին եւ 177-րդ հոդվածի 1-ին մասերով՝ ապօրինաբար դիտավորությամբ մեկ ուրիշին կյանքից զրկելու եւ ուրիշի գույքի զգալի չափերով գաղտնի հափշտակության համար։
Ավելի վաղ հայտնլ էինք, որ սեպտեմբերի 2-ին՝ ժամը 12:00-ին, Ոստիկանությունում Երեւան քաղաքի բնակչից ահազանգ էր ստացվել այն մասին, որ Բրյուսովի փողոցում գտնվող շենքի բնակարաններից մեկում կնոջ դի կա՝ բռնության հետքերով եւ վնասվածքներով:
Փաստի առթիվ հարուցվել էր քրեական գործ՝ ՀՀ քրեական օրենսգրքի 104-րդ հոդվածի 1-ին մասով:
Ենթադրյալ հանցագործություն կատարելու կասկածանքով ձերբակալվել էր Վրաստանի Հանրապետության՝ 34-ամյա քաղաքացի: Նրա անձնական խուզարկությամբ հայտնաբերվել էին սպանվածին պատկանող բջջային հեռախոսը եւ բանկային քարտեր:
