Կառավարությունն ընդունեց 38 հազար ուսուցչի աշխատավարձը 10 տոկոսով բարձրացնելու որոշումը

Կառավարության այսօրվա որոշումներից մեկով բյուջեից 1,6 միլիարդ դրամ ուղղվեց ուսուցիչների աշխատավարձերի բարձրացմանը։ ԿԳՄՍ նախարար Արայիկ Հարությունյանը տեղեկացրեց, որ հաջորդ տարվա բյուջեում այդ ծախսն արդեն ներկայացրել են։

 Իսկ այս հավելումն անհրաժեշտ է այն պատճառով, որ աշխատավարձերն արդեն իսկ բարձրանում են այս տարվա սեպտեմբերից։

Վարչապետ Նիկոլ Փաշինյանը խնդրեց հստակեցնել՝ խոսքը 38 հազար ուսուցչի աշխատավարձի բարձրացման մասի՞ն է։ Հարությունյանն ասաց, որ նրանցից յուրաքանչյուրի աշխատավարձը բարձրանալու է 10 տոկոսով։ Ինչ վերաբերում է կրճատումներին, Հարությունյանը պնդեց, որ զանգվածային կրճատումներ չեն եղել։

Փաշինյանն ասաց, որ զուգահեռ անհրաժեշտ է անել այնպես, որ աշխատավարձերի բարձրացումն ուղիղ առնչություն ունենա կրթության որակի բարձրացման հետ։