Բահամյան կղզիներում «Դորիան» մրրկի հարվածի հետևանքով զոհվածների ու տուժածների թիվն ավելանում է փլատակների հավաքմանը զուգահեռ։ Հաղորդվում է առնվազն 20 զոհի մասին։

Այս մասին հայտնում է Miami Herald-ը՝ հղում անելով երկրի առողջապահության նախարարին։

Ավելի վաղ հաղորդվել էր 7 զոհի մասին։

Հիշեցնենք, որ մրրիկը սեպտեմբերի 2-ին հարվածել էր Բահամյան կղզիների հյուսիսային հատվածին, պոկել էր բազմաթիվ տների տանիքներ, տապալել ծառեր։ Մրրկին ուղեկցող տեղատարափ անձրևները հեղեղել են ճանապարհներն ու ջրածածկ արել տները։ Սեպտեմբերի 3-ին մրրկի ուժգնությունը թուլացել է՝ 5-ից հասնելով 2-րդ աստիճանի։