Վրաերթից 45-ամյա տղամարդ է մահացել
Սուրբ Գրիգոր Լուսավորիչ բժշկական կենտրոնում 45-ամյա տղամարդ է մահացել։
Ըստ լուրերի` տղամարդը հիվանդանոց տեղափոխվելիս բժիշկներին հայտնել է, որ Կոմիտասի պողոտայում ընկել է, ապա կորցրել է գիտակցությունը։
Բժիշկներին, սակայն, չի հաջողվել նրա կյանքը փրկել վնասվածքները կյանքի հետ անհամատաղելի են եղել։
Իրավապահները պարզել են, որ նա ոչ թե ընկել է, այլ վրաերթի ենթարկվել։ Շուտով հայտնի է դարձել նաև վրաերթի ենթարկողի ինքնությունը, որը 24-ամյա մի երիտասարդ է։
Նա վարել է «Լադա» մակնիշի ավտոմեքենա, որով և հեռացել է դեպքի վայրից։ Վրաերթի ենթարկվածին օգնության են հասել պատահական անցորդներ, որոնք էլ տուժածին տեղափոխել են հիվանդանոց։
