A scene of devastation in Abaco #hurricanedorian pic.twitter.com/S2lp1NDXF4
— Tribune242 (@Tribune242) September 1, 2019
ՏԵՍԱՆՅՈՒԹ. «Դորիան» փոթորկի զոհերի թիվը հասել է 5-ի, իսկ վիրավորներինը 21-ի
Բահամյան կղզիներին պատուհասած «Դորիան» փոթորիկը շարունակում է ավերածություններ գործել: Վտանգավորության ամենաբարձր՝ 5-րդ աստիճանի ուժգնություն ունեցող փոթորիկն արդեն խլել է 5 մարդու կյանք: 21 մարդ էլ վիրավոր է:
Այս մասին հայտնել է RIA Novosti լրատվական գործակալությունը:
Փոթորկի հետևանքով վնասվել են հազարավոր տներ, մեքենաներ, արմատախիլ են եղել բազմաթիվ հաստաբուն ծառեր: Նշվում է, որ փոթորկի ուժգնությունը թուլացել է՝ հասնելով 3-րդ աստիճանի։
«Դորիանը» համարվում է այս տարի մեր մոլորակի վրա ձևավորված ամենաուժգին փոթորիկը։ Դրա հարվածին է սպասում նաև ԱՄՆ-ը: Ամերիկյան մի շարք նահանգներում հայտարարվել է արտակարգ դրություն, իրականացվում են տարհանման աշխատանքներ։
