Մխիթարյանը տեղափոխվում է իտալական «Ռոմա»
Հայաստանի ֆուտբոլի հավաքականի և Լոնդոնի «Արսենալի» կիսապաշտպան Հենրիխ Մխիթարյանը տեղափոխվում է իտալական «Ռոմա» ակումբ։ Այս մասին հայտնել է SkySport լրատվական կայքը։
«Հենրիխ Մխիթարյանն այս առավոտ մեկնում է Հռոմ՝ «Արսենալից» «Ռոմա» տեղափոխության գործարքն ավարտին հասցնելու համար», – գրել է կայքի խմբագիրը։
Մխիթարյանի տեղափոխությանը հավանություն է տվել իտալական ակումբի գլխավոր մարզիչը, և «Ռոմայի» ղեկավարությունը որոշել է 1 տարվա պայմանագիր կնքել Հայաստանի հավաքականի ավագի հետ։
