Գիշերը քոչարի ենք պարելու, եկե´ք. Զոհրաբ Եգանյան
ՀՖՖ նախագահ Արթուր Վանեցյանի խորհրդական Զոհրաբ Եգանյանը կոչ է արել Եվրոպայի հայերին գալ «Դուդելանժ»-«Արարատ Արմենիա» խաղին և աջակցել Հայաստանի չեմպիոններին, ովքեր հաղթանակի դեպքում կարող են պատմության մեջ առաջին անգամ դուրս գալ «Եվրոպա լիգայի» խմբային փուլ:
«Եվրոպայի հայություն ջան, այսօր Լյուքսեմբուրգում կայանալիք «Դուդելանժ»-«Արարատ Արմենիա» խաղի տոմսերի համար շատ եք զանգում ու գրում, այսպես ասեմ, փոխանցեք ձեր ընկերներին` խաղը կայանալու է Josy Barthel Stadium֊ում, մեր թիմի երկրպագուներինը Block M ն է, որ մոտենում եք, գնեք էդ մասի տոմսերը։Ինչքան հասկացա նամակներից, էլեկտրոնային տարբերակով տոմս չեն կարողանում գնել, պետք է մոտենալ մարզադաշտի տոմսարկղ։ Խաղը մեկնարկում է Երևանի ժամանակով 22։00-ին։ Մի խոսքով, գիշերը քոչարի ենք պարելու, եկե´ք»,- գրել է Եգանյանը:
