Ավարտվել են Մարգարա-Վանաձոր-Տաշիր-հայ-վրացական սահման ճանապարհատվածի միջին նորոգման աշխատանքները

«Լիլիթ -87» ՍՊ ընկերության կողմից ավարտվել են Մ-3 միջպետական նշանակության Մարգարա-Վանաձոր-Տաշիր-հայ-վրացական սահման կմ53-կմ54, կմ57-կմ58, կմ65+400-կմ66+600, կմ69+900-կմ72+000 հատվածներում միջին նորոգման աշխատանքները:

Ինչպես հայտնում են Տարածքային կառավարման եւ ենթակառուցվածքների նախարարության մամուլի ծառայությունից, աշխատանքների սկզբնական փուլում  կատարվել են ճանապարհահատվածի հին շերտի ֆրեզավորման, փոսային նորոգման, հարթեցնող  շերտի տեղադրման, ասֆալտբետոնե ծածկի, նոր տիպի ազդանշանային սյուների  և ֆոսֆորագնդիկային գծանշման աշխատանքներ:

Աշխատանքների իրականացման ընթացքում առաջացած անհարմարությունների համար հայցում ենք վարորդների ներողամտությունը և հորդորում ենք պահպանել  երթևեկության կանոնները: