Խոշոր վթար Կոտայքի մարզում. կան տուժածներ

Կոտայքի մարզում երեկ՝ օգոստոսի 27-ին Ակունք-Կոտայք գյուղամիջյան ճանապարհի սկզբնամասում բախվել են BMW եւ Volkswagen Vento մակնիշի ավտոմեքենաները։

Երեկ՝ ժամը 22:30-ի սահմաններում Ակունք-Կոտայք գյուղամիջյան ճանապարհի սկզբնամասում բախվել են Կոտայք գյուղի բնակիչ, 22-ամյա Արման Մ.-ի վարած BMW մակնիշի եւ Զառ գյուղի բնակիչ, 36-ամյա Էդվարդ Վ.-ի վարած Volkswagen Vento մակնիշի ավտոմեքենաները:

Shamshyan.com-ի հաղորդմամբ, վթարի հետեւանքով BMW-ի վարորդ Արման Մ-ն եւ նրա ուղեւոր, համագյուղացի, 22-ամյա Իսահակ Մ.-ն եւ Volkswagen-ի վարորդ Էդվարդ Վ.-ն մարմնական վնասվածքներով տեղափոխվել են Աբովյան եւ Սուրբ Գրիգոր Լուսավորիչ բժշկական կենտրոններ:

Փաստի առթիվ նյութեր են նախապատրաստվում: