Մենք պետք է փոխենք Գյումրիի ընկալումը, բավական է Գյումրի ասելով աղետի գոտի հասկանանք. վարչապետ
Ես երբեք այս հրապարակը՝ Վարդանանցը, այսքան մարդաշատ չեմ տեսել, նույնիսկ Հեղափոխության օրերին: Այս մասին Գյումրիում քաղաքի օրվա առթիվ կազմակերպված տոնական համերգի ժամանակ ելույթով հանդես գալիս նշեց ՀՀ վարչապետ Նիկոլ Փաշինյանը:
Նա նշեց, որ սա տոն է Հայաստանի բոլոր քաղաքների ու բնակավայրերի, ոչ միայն Գյումրիի համար: «Մենք պետք է փոխենք Գյումրիի ընկալումը, բավական է Գյումրի ասելով աղետի գոտի հասկանանք, այն քաղաքակրթության ու ժողովրդավարության, հաղթանակի ու հեղափոխության կենտրոն է»,-ասաց Փաշինյանը՝ հավելելով, որ դա ամենևին չի նշանակում, որ երկրաշարժի հետևանքները վերացված են:
Փաշինյանը նշեց, որ այս տարվա Անկախության տոնակատարությունների կենտրոնը Գյումրին է լինելու:
ՀՀ վարչապետը հայտարարեց Գյումրու մեկամսյակ՝ կոչ անելով բոլոր հայերին անպայման լիլեն, այցելել Գյումրի:
