Մարդիկ վստահ են, որ ես ոչ մի միլիմետր չեմ շեղվի ճշմարտությունից ու Հայաստանի հավասարակշռված շահից. Նիկոլ Փաշինյան
ՀՀ վարչապետ Նիկոլ Փաշինյանը Ամուլսարի տարածաշրջան կատարած այցի ամենակարևոր հետևությունը համարում է այն, որ մարդիկ վստահ են, որ ինքը չի շեղվի ճշմարտությունից ու Հայաստանի հավասարակշռված շահից: Այս մասին վարչապետը գրել է «Ֆեյսբուք»-ի իր էջում:
«Այսօր Ամուլսարի տարածաշրջան կատարած այցի՝ ինձ համար ամենակարեւորն հետեւությունն այն է, որ մարդիկ գիտեն եւ վստահ են, որ ես ոչ մի միլիմետր չեմ շեղվի ճշմարտությունից ու Հայաստանի հավասարակշռված շահից: Շնորհակալ եմ այդ վստահության համար»,- գրել է վարչապետը:
