Պատգամավոր Հայկ Սարգսյանից 2 լավ լուր
ԱԺ «Իմ քայլը» խմբակցության պատգամավոր Հայկ Սարգսյանը ֆեյսբուքյան իր էջում լուսանկար է հրապարակել՝ զուգահեռաբար «երկու լավ լուր» հայտնելով:
«Երկու լավ լուր՝
1. Շուտով կկառուցվի և շահագործման կհանձնվի տարածաշրջանում միակ, նմանը չունեցող նոր գործարան, որտեղ կարտադրվի օրթոպեդիկ նշանակության պարագաներ` անհատական օրթեզներ, ներդիրներ և հատուկ նշանակության կոշիկներ: Նախաձեռնությունը ամերիկահայ գործարար Համբարձում Կումուրյանինն է: Ներդրումների ծավալը կկազմի մոտ 1.5 մլն ԱՄՆ դոլար և կստեղծվի շուրջ 50 նոր աշխատատեղ:
2. Համբարձում Կումուրյանի նախաձեռնությամբ՝ Երևանում, ավելի քան 6 տարի, գործում է «Կումուրյան պոդիատրիկ կլինիկան», որտեղ էլ պրն Կումուրյանի առաջարկով մենք կկազմակերպենք Գեղարքունիքի մարզի անապահով ընտանիքների երեխաների ոտնաթաթի անվճար զննություն, ապա անհրաժեշտության դեպքում՝ յուրաքանչյուր երեխայի ոտնաթաթի խնդրին համապատասխան, կպատրաստվեն անհատական օրթոպեդիկ ներդիրներ»,- գրել է նա:
