ՏԵՍԱՆՅՈՒԹ․ Հոնկոնգում նստացույցի ժամանակ բախումներ են տեղի ունեցել
Հոնկոնգի մետրոյի կայարաններից մեկում հարյուրավոր ցուցարարներ նստացույց են արել՝ նշելով նույն կայարանում ցուցարարների վրա դաժան հարձակման մեկ ամիսը:
Ակցիայի մասնակիցներն արգելապատնեշներ են կառուցել կայարանի ներսում: Ոստիկանությունն ուժ է կիրառել՝ փորձելով ցուցարարներին դուրս բերել կայարանից: Կողմերի միջև բախումներ են եղել:
Հոնկոնգում բողոքի զանգվածային ակցիաներ են կազմակերպվում արդեն գրեթե 3 ամիս: Ցուցարարները պահանջում են չեղարկել արտահանձնման մասին օրինագիծը, ժողովրդավարական փոփոխություններ կատարել և հեռացնել Հոնկոնգի ղեկավարին:
