Օդաչու և ՌԴ հերոս Դամիր Յուսուպովը բացել է Ռուսաստանի ֆուտբոլի առաջնության հանդիպումը
Այսօր օդաչու և ՌԴ հերոս Դամիր Յուսուպովը խորհրդանշական հարվածով բացել է Ռուսաստանի ֆուտբոլի առաջնության «Ուրալ» եւ «Կռիլիյա Սովետով» թիմերի հանդիպումը: Ամբողջ մարզադաշտը ինքնաթիռի հրամանատարին ու անձնակազմին կանգնած է ողջունել:
Հիշեցնենք, որ «Ուրալյան ավիաուղիներին» պատկանող ինքնաթիռի անձնակազմը կարողացել է արտակարգ վայրէջք կատարել այն բանից հետո, երբ երկու շարժիչի մեջ թռչուններ են հայտնվել: Օդաչուների գործողությունների հետևանքով փրկվել է 230 մարդ:
Ռուսաստանի նախագահ Վլադիմիր Պուտինը պարգևատրել է այն օդաչուներին: Օդանավի հրամանատարին և օդաչուին շնորհվել է Ռուսաստանի Դաշնության հերոսի կոչում, անձնակազմի բոլոր անդամներին շնորհվել է «Արիության շքանշան:
