Լևոն Արոնյանը երկրորդ հաղթանակն է տարել ադրբեջանցու նկատմամբ
Հայաստանի շախմատի հավաքականի առաջատար Լևոն Արոնյանը Սենթ Լուիսում ընթացող շախմատային մրցաշարում երկրորդ հաղթանակն է տարել ադրբեջանցի Շահրիյար Մամեդյարովի նկատմամբ:
Կայծակնային շախմատի առաջին տուրում Արոնյանը սպիտակներով ոչ-ոքի խաղաց ռուս Սերգեյ Կարյակինի հետ, իսկ երկրորդ տուրում սևերով 82-րդ քայլում հաղթեց Մամեդյարովին:
Արոնյանը 14,5 միավորով միանձնյա գլխավորում է մրցաշարային աղյուսակը: Երկրորդ տեղում ընթացող ֆրանսիացի Մաքսիմ Վաշյե-Լագրավը 1,5 միավոր պակաս ունի:
