Ոստիկանության Մալաթիայի բաժին է դիմել Երևան քաղաքի Ն. Տիգրանյան փողոցի բնակիչ՝ 36-ամյա Արշակ Հ-ն և հայտնել, որ օգոստոսի 9-ի կեսգիշերին մոտ, մինչև օգոտոսի 10-ի ժամը 04։10-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ Թաիրովի փողոցի թիվ 35/5 հասցեի մոտ կայանված իր ավտոմեքենայի լուսարձակները գողացել են։ 
SHAMSHYAN.com-ի տեղեկություններով դեպքի վայր են ժամանել ոստիկանության Մալաթիայի բաժնի օպերատիվ խումբը, ովքեր պարզել են, որ անհայտ անձը կամ անձինք գողացել են Porsche Cayenne մակնիշի 88RR 088 համարանիշի ավտոմեքենայի լուսարձակները։

Փաստի առթիվ ոստիկանության Մալաթիայի բաժնի հետաքննչական բաժանմունքում նյութեր են նախապատրաստվում։