Վիճաբանության ժամանակ կծել են 29-ամյա երիտասարդի ականջը. Գ․ Շամշյան
Օգոստոսի 9-ին արտակարգ դեպք է տեղի ունեցել Տավուշի մարզում: Shamshyan.com-ի տեղեկություններով` Ժամը 11:30-ի սահմաններում, թիվ 1 համալսարանական հիվանանոցից ոստիկանության Կենտրոնական բաժին ահազանգ է ստացվել, որ «ձախ ականջախեցում մարդու կծած վերք» ախտորոշմամբ իրենց մոտ բուժօգնության է բերվել մի քաղաքացի:
Աղբյուրի փոխանցմամբ՝ հիվանդանոց են մեկնել ոստիկանության Կենտրոնական բաժնի ծառայողները, որոնք պարզել են, որ վիրավորը Իջևան քաղաքի բնակիչ, 29-ամյա Աբգար Բայրամյանն է:
Վերջինս ոստիկաններին և բժիշկներին հայտնել է, որ օգոստոսի 8-ին, ժամը 23:00-ի սահմաններում Իջևան քաղաքում անհայտ անձի հետ ինքը վիճաբանել է, որի ժամանակ էլ անհայտ անձը ականջը կծել է:
