«Բլեքաութ» Մեծ Բրիտանիայում. մոտ 1 մլն բնակիչ մնացել է առանց էլեկտրաէներգիայի
Մեծ Բրիտանիայի էներգահամակարգում խոշոր խափանում է գրանցվել: Առանց էլէկտրաէներգիայի է մնացել մոտ 1 մլն բնակիչ:
Նշվում է, որ երկու գեներատորների հետ խնդիրները հանգեցրել են Մեծ Բրիտանիայի մի շարք շրջաններում էլեկտրաէներգիայի անջատումների, սակայն այժմ էներգահամակարգը վերադարձել է բնականոն աշխատանքին:
Հիշեցնենք, որ էլեկտրաէներգիայի անջատումը թագավորության մի շարք շրջաններում՝ Անգլիայի հարավ-արևելքում, Ուելսում, ինչպես նաև մայրաքաղաք Լոնդոնում ավտոճանապարհներին, երկաթուղային տրանսպորտի, մետրոյի աշխատանքում խափանումների է հանգեցրել, ինչպես նաև ազդել է նավահանգիստների ու օդանավակայանների աշխատանքի վրա:
