Ստեփանավանում անչափահաս վարորդը ծեծել է ոստիկանին

Tert.am-ի տեղեկություններով՝ երեկ Ստեփանավանում միջադեպ է գրանցվել անչափահաս քաղաքացու պապի և ոստիկանության ծառայողի միջև: Զբոսանքի ժամանակ օպերլիազորը նկատել է, որ մեքենան վարողն անչափահաս է, նրանից համապատասխան փաստաթղթեր է պահանջել:

Անչափահասը հայտնել է, որ փաստաթղթերը տանն են, ում ոստիկանության ծառայողն ուղեկցել է տուն՝ փաստաթղթերը տեսնելու համար:

Ստեփանավանում, անչափահասի պապը, օպերլիազորին ասել է, որ ոստիկանության ծառայողին փաստաթուղթ «չունեն ցույց տալու», քաշքշել, այնուհետև ծեծի ենթարկել նրան:

Տեղեկության վերաբերյալ Tert.am-ը պարզաբանում խնդրեց ՀՀ դատախազությունից, որտեղից հայտեցին, որ միջադեպի վերաբերյալ զեկուցագիր կա. «Դրա հիման վրա Լոռու մարզի դատախազը Քննչական կոմիտեին հանձնարարել է նյութեր նախապատրաստել, նշանակվել է դատաբժշկական փորձաքննություն», -հայտնեց Դատախազության հանրային կապերի բաժնի պետ Արևիկ Խաչատրյանը: