800 մարդ և 68 միավոր տեխնիկա․ Կրասնոյարսկում անտառային հրդեհներ են
Մեկ օրվա ընթացքում Կրասնոյարսկի երկրամասում անտառային հրդեհների տարածքը ավելացել է մոտ 50 հազար հեկտարով: Այս մասին հաղորդել է ռուսական «ՌԻԱ Նովոստի» գործակալությունը:
Ըստ տեղի աղբյուրների` այսօրվա դրությամբ Կրասնոյարսկի հատվածում 118 անտառային հրդեհի օջախ կա, որոնց ընդհանուր մակերեսը կազմում է մոտ 960 հազար հեկտար: Վերահսկվող գոտում է գտնվում 79 օջախ, որոնք կազմում են 940 հազար հեկտար: Հաղորդվում է նաև, որ բնակավայրերը գտնվում են անվտանգության գոտում:
Հրդեհաշիջման աշխատանքներին մասնակցում է մոտ 800 մարդ և 68 միավոր տեխնիկա:
