Ղրղզստանի նախկին նախագահի կողմնակիցներն ազատ են արձակել պատանդառված հատուկջոկատայիններին
Ղրղզստանի նախկին նախագահ Ալմազբեկ Աթամբաևի կողմնակիցներն ազատ են արձակել պատանդառված հատուկջոկատայիններին, հայտնում է Աթամբաևի շտաբի ներկայացուցիչը:
«Նրանց հետևից այդպես էլ ոչ ոք չեկավ, այդ իսկ պատճառով մենք ենք տարել նրանց իրենց գործընկերների մոտ»,- ասել է գործակալության զրուցակիցը:
Ավելի վաղ Աթամբաևի կողմնակիցները տեսանյութ էին տրամադրել լրատվամիջոցներին, որում գրեթե բոլոր հատուկջոկատայինները վիրակապերով են:
Նրանցից մեկը, ինչպես հաղորդում է աղբյուրը, ենթադրաբար հրամանատարն է, որն ասում է, որ իրենք երդում են տվել պետությանը և ժողովրդին:
«Մենք ծառայում ենք Ղրղզստանի ժողովրդին։ Այս իրավիճակում, եթե ինչ-որ բան սխալ ենք արել, ներողություն ենք խնդրում։ Ներողություն ենք խնդրում ժողովրդից»,- տեսանյութում ասում է տղամարդը:
