Շիրակի մարզում Կայծակի հարվածից մարդ է մահացել
Կայծակից մահվան դեպք է գրանցվել Շիրակի մարզի Գուսանագյուղում։ Դեպքը տեղի է ունեցել երեկոյան` ժամը 17:00-ի սահմաններում: Համագյուղացիներ՝ 65 ամյա Վանիկ Մելքոնյանն ու Գևորգ Սահակյանը գյուղի ծայրամասում գտնվող քարհանքեր կոչվող տարածքում իրենց անասուններն են արածեցնելիս եղել։ Այս մասին տեղեկանում ենք shantnews.am-ից:
Կայծակից ու անձրևից փորձել են պատսպարվել տարածքում գտնվող լքված նախկին ենթակայանում, որի մուտքի մոտ կանգնած են եղել, երբ ուժեղ կայծակը հարվածել է: Ուժեղ հարվածից Գևորգ Սահակյանը հայտնվել է դաշտում, իսկ ընկերը՝ Վանիկ Մելքոնյանը, ենթակայանի ներսում, նա մահացել է։
Գևորգ Սահակյանը մի կերպ օգնության է կանչել գյուղացիներին, որոնք էլ նրան տեղափոխել են Գյումրի բժշկական կենտրոն։ Նրա վիճակը բժիշկները գնահատել են բավարար, վնասվել է ձախ ոտքը և որովայնը: Բժշկական հետազոտությունները պարզել են, որ ներքին արյունահոսություն չունի։
