Համացանցում տեսանյութ էր հրապարակվել, որում երևում էր, որ «Եռաբլուր» պանթեոնում ապրիլյան պատերազմում զոհվածների շիրմաքարերի վրա մոմ կամ ինչ-որ հեղուկ է թափված: Այդ մասին սոցցանցում գրառում էր կատարել ՀՅԴ նախկին անդամ Արթուր Եղիազարյանը: 

Ապրիլյան պատերազմի զոհ Արմենակ Ուրֆանյանի մայրը Tert.am-ին ասել է, որ կատարվածի մեջ դիտավորություն չի տեսնում: «Ցավալի է, կարծես 2-րդ անգամ վերապրում ես ցավդ, բայց դիտավորություն չէ: Երևի երեխաներ են խաղացել, մոմ են թափել: Բայց հսկողությունը պետք է ուժեղացվի, տեսախցիկներ տեղադրվեն»: