Վարչապետն Դպրաբակ գյուղի բնակչի հետ ուղևորվում է նրա տուն
Արձակուրդում գտնվող վարչապետ Նիկոլ Փաշինյանն այցելել է Կալավան գյուղ: Ֆեյսբուքի ուղիղ եթերում վարչապետը նշեց, որ այսօր առավոտից նախատեսել է գալ Կալավան, հետո գնալ Դպրաբակ գյուղ` Աղավարտ Վարդանյանին հյուր:
«Ես չգիտեմ՝ հիշո՞ւմ եք, թե՞ ոչ, ասեմ, որ Աղավարտ Վարդանյանը «Մեր ժամանակների հերոսը» խորագրի հերոսներից է: Ես պատեհ առիթն ուզում էի օգտագործել, որ իրեն տեսնեի: Երբ Ռոբերտենց այգում ավարտեցինք հաղորդումը, ինքն այնտեղ կանգնած էր: Հիմա մենք կգնանք Աղավարտին հյուր»,- ասաց վարչապետը:
Նա պատմեց, որ Աղավարտ Վարդանյանի հետ ծանոթացել է 2017 թվականի խորհրդարանական ընտրությունների նախընտրական քարոզարշավի ընթացքում: «Աղավարտը և իր ընտանիքը ունեն մեծ տնտեսություն, 120 խոշոր եղջերավոր անասուններ»,- ասել է Նիկոլ Փաշինյանը:
