Օսիպյանը լսել է բնակիչների բողոքներն ու առաջարկությունները
Հուլիսի 31-ին ՀՀ ոստիկանության պետ Վալերիյ Օսիպյանը հերթական անգամ ընդունել է քաղաքացիների: Նրանք ներկայացրել են դիմումներ, բողոքներ ու առաջարկություններ: Դժգոհություններ են եղել որոշ ոստիկանների գործողություններից կամ անգործությունից:
Հանդիպմանը ներկա են եղել նաև ոստիկանության նախկին աշխատակիցներ, որոնք ցանկանում են վերականգնվել ծառայության: Մի քանի քաղաքացիներ պատրաստակամություն են հայտնել ծառայության անցնել ոստիկանության զորքերում և մեկնել առաջնագիծ՝ մարտական հերթապահության:
Վալերիյ Օսիպյանը լսել է բոլորի բարձրացրած խնդիրներն ու սպառիչ պատասխաններ տվել: Հիշեցնենք, որ ՀՀ ոստիկանության պետն ամիսը մեկ անգամ հանդիպում է ունենում քաղաքացիների հետ:
