ՀԷՑ–ի աշխատակցին մահացած են հայտնաբերել մեքենայում
Երևանում դժբախտ դեպք է գրանցվել: Sputnik Արմենիայի տեղեկություններով` այսօր մի տղամարդ զանգահարել է ոստիկանություն ու հայտնել, որ Էրեբունու փողոցի շենքերից մեկի մոտ կայանած մեքենայի սրահում տղամարդ կա, որը կարծես մահացել է:
Ահազանգով մեկնած իրավապահները պարզել են, որ «Ֆոլքսվագեն» մակնիշի ավտոմեքենայի սրահում մահացած տղամարդն ապրում էր Երևանում, 60 տարեկան էր:
Իրավապահները նրա մարմնին բռնության հետքեր չեն հայտնաբերել և միջոցառումներ են ձեռնարկում մահվան հանգամանքները պարզելու համար:
Sputnik Արմենիայի տեղեկություններով՝ տղամարդն աշխատում էր «Հայաստանի էլեկտրացանցեր» ընկերությունում:
