Գնումներն իրականացնելիս նախընտրությունը տվեք տեղական արտադրողին. վարչապետ
Հայաստանում վերջապես պետք է այդ մշակույթը զարգանա, որ Հայաստանի քաղաքացիները, Հայաստանի սպառողները, իրենց գնումներն իրականացնելիս նախընտրությունը տան տեղական արտադրողին: Այս մասին ևս ասել է Նիկոլ Փաշինյանը: Կառավարության ղեկավարն ընդգծեց՝ կարող է թվալ, թե մեր շուկան շատ փոքր է այսպիսի քաղաքականություն վարելու համար, բայց ցավով պետք է արձանագրել, որ մեր տեղական արտադրությունը նույնպես չափազանց փոքր է: Այդ իսկ պատճառով, ըստ վարչապետի, այդ փոքր աջակցությունը կարող է ունենալ շատ վճռական նշանակություն: ՙԵս ուրախ եմ և հպարտ ևս մեկ անգամ հայտարարել, որ այսօր ևս ձեր առաջ ելույթ եմ ունենում բացառապես հայկական արտադրության հագուստով: Ինչպես միշտ, բացառությունը փողկապն է և ժամացույցը՚:
