Երևանում թալանել են ռեստորաններից մեկի երգչի ավտոմեքենան
Ոստիկանության Մալաթիայի բաժնի հետաքննչական բաժանմունքում նյութեր են նախապատրաստվում երեկ՝ հուլիսի 18-ին, Երեւանում տեղի ունեցած գողության փաստով: Այս մասին հայտնում է SHAMSHYAN.com-ը։
Ժամը 20:10-ի սահմաններում ոստիկանության Մալաթիայի բաժին է ահազանգել Երեւանի բնակիչ, Լիլիթ Կ.-ն եւ հայտնել, որ նույն օրը ժամը 20:00-ից 20:02 ընկած ժամանակահատվածում անհայտ անձը կամ անձինք, օգտվելով ավտոմեքենայի պատուհանը բաց լինելու հանգամանքից, Կիլիկիա թաղամասի 5/35 հասցեի մոտ կայանված, ամուսնուն պատկանող Mercedes մակնիշի 91 CQ 900 համարանիշի ավտոմեքենայի միջից գողացել են Այֆոն եւ Սամսունգ տեսակի բջջային հեռախոսները:
Դեպքի վայր ժամանած ոստիկաններին ավտոմեքենայի տերը՝ Երեւանի բնակիչ, 42-ամյա էրիկ Մակարյանը հայտնել է, որ ինքը մտել է խանութից գնումներ կատարելու եւ 2 րոպե անց դուրս գալով՝ նկատել է, որ ավտոմեքենայի միջից հեռախոսները գողացել են: Է.Մակարյանը ոստիկաններին հայտնել է նաեւ, որ ինքը «Ջոս» ռեստորանային համալիրի երգիչ է:
