Տավուշի մարզպետ Հայկ Չոբանյանը մարզպետարանում հանդիպել է ցուցարարների հետ և նշել, որ նրանց պահանջն անօրինական է:

«Նրանք, որոնց խնդիրն անօրինականությամբ զբաղվելն է, անօրինական ծառահատում, վաճառք կազմակերպելն է, Հայաստանում անօրինականությունը խթանելն է, կոռուպցիան զարգացնելն է, դուրս եկեք, դուք հիմա 20 հոգով այստեղ կանգնած եք, գիտեմ ինչու եք կանգնած, շրջեք Իջևանի փողոցներում և մարդկանց հարցրեք իրենց կարծիքն այս ամենի մասին: Նրանք կասեն՝ պատժեք այդ մարդկանց, որովհետև իրավունք չունեն մեզ պատկանող անտառը վերացնել»,- ասաց Չոբանյանը:

Ինչ վերաբերում է ձերբակալվածներին, Չոբանյանի խոսքերով՝ այդ հարցը գտնվում է իրավապահ համակարգի տիրույթում:

Նա ներկաներին հորդորեց տուն գնալ ու չշարունակել ցույցերը:

Տեսանյութը՝ Shantnews.am-ի։