Տաքսիստը զբոսաշրջիկներից խոշոր գումար է պահանջել, վերցրել նրանցից մեկի բջջայինը
Հուլիսի 16-ին` ժամը 21:40-ի սահմաններում, Հանրապետության հրապարակում ոստիկանության պարեկապահակային ծառայության գնդի ծառայողներին է մոտեցել օտարերկրացի երկու երիտասարդ: Հայտնել են, որ քիչ առաջ անծանոթ տաքսու վարորդն իրենցից բջջային հեռախոս ու փող է վերցրել:
Ոստիկաններն օտարերկրացիներին ուղեկցել են ոստիկանական բաժանմունք և պարզվել, որ տաքսու վարորդն օտարերկրացիներից շատ գումար է պահանջել, նրանք հրաժարվել են վճարել: Փոխարենը վարորդը վերցրել է ուղևորուհու բջջայինն ու 10000 դրամ:
Ոստիկանությունում նյութեր են նախապատրաստվել: Տեղեկություններ են ստացվել, որ տաքսու վարորդը Վաղարշապատ քաղաքից 25-ամյա երիտասարդ է:
