Այսօր լրագրողներին է ներկայացվել «Թափառող կենդանիների վնասազերծման կենտրոն» ՀՈԱԿ-ի նոր մասնաշենքի նախագիծը, գրում է SHantnews.am-ը:

Երևանի քաղաքապետարանի բնապահպանության վարչության պետ Խաչիկ Հակոբյանն ասել է, որ շինությունը պատրաստ կլինի 3 ամսից: Այն գտնվում է Շենգավիթ վարչական շրջանում:

«Թափառող կենդանիների վնասազերծման կենտրոն» ՀՈԱԿ-ի կլինիկան տեղակայված է Ագրարային համալսարանի անասնաբուժական ֆակուլտետում:

«Թափառող կենդանիների վնասազերծման կենտրոն» ՀՈԱԿ-ի գլխավոր անասնաբույժ Միհրան Լազյանն այսօր հրավիրված ասուլիսի ժամանակ ասել է, որ փետրվարից մինչ օրս 20 թափառող շան են իրենք քնեցրել, որպեսզի հիվանդությունների տարածման աղբյուր չդառնան:

Հիշեցնենք, որ այսօր այդ կլինիկա էին այցելել ու դրա անմխիթար վիճակի մասին խոսել Երևանի ավագանու «Լույս» խմբակցության անդամները:

Մանրամասները՝ տեսանյությում։