Հոմեոպատիան հանելու ենք մասնագիտությունների ցանկից. Արսեն Թորոսյան
ՀՀ առողջապահության նախարար Արսեն Թորոսյանն «Ազատություն» ռադիոկայանի ֆեյսբուքյան ասուլիսի ընթացքում խոսել է ոլորտի խնդիրների մասին:
Նախարարն անդրադարձել է բժշկական ապահովագրությանը և նշել, թե որ դեպքերում է այն գործելու սրտի խնդիր ունեցող հիվանդներին անվճար սպասարկելիս․
«Սրտամկանի սուր ինֆարկտի ST ատամիկի սղագրությունով ախտորոշման դեպքում, որը երևում է էլեկտրասղագրության վրա, հիվանդը վիրահատվում է անվճար: Կառավարությունը դրա վրա ծախսում է մի քանի միլիարդ դրամ, այս վերջին որոշումներով ավելացվել է տվյալ քաղաքացիների վրա ծախսվող բյուջեն»:
Նա նաև անդրադարձել է հոմեոպատիա մասնագիտությանը.
«Հոմեոպատիա մասնագիտությունը հանելու ենք մասնագիտությունների ցանկից: Այն հանվելու է նաև լիցենզիոն ցանկից, որ նման լիցենզիաներ չտրվեն: Այստեղ խնդիր է մնում արդեն իսկ տրված լիցենզիաները: Հոմեոպատիան շառլատանություն է և չի կարելի մարդկանց շաքար խմեցնելով առողջացնել»:
