Հաշմանդամությունը չի որոշվում միայն ախտորոշմամբ. Արսեն Թորոսյան

«Հաշմանդամությունը չի որոշվում միայն ախտորոշմամբ, այլ որոշվում է տվյալ անձի մոտ աշխատունակության կորստով․ արդյո՞ք այդ ախտորոշումը խանգարում է նրան և ի՞նչ աստիճանի է խանգարում»,- ասել է ՀՀ առողջապահության նախարար Արսեն Թորոսյանը «Ազատություն» ռադիոկայանի ֆեյբսուքյան ասուլիսի ընթացքում՝ պատասխանելով օգտատերերից մեկի հարցին։ 

Արսեն Թորոսյանը նշել է, որ ՀՀ վարչապետ Նիկոլ Փաշինյանին է դիմել Առողջապահության և աշխատանքի տեսչական մարմնի ղեկավարի հարցով և սպասում է վարչապետի աշխատակազմի պատասխանին: Նախարարը կարծում է, որ անթույլատրելի է, որ պետական մի մարմնի ղեկավար խոչընդոտի մի շատ կարևոր ծրագրի և մնա անպատիժ: 

Արսեն Թորոսյանը կարծում է, որ նման կառույցների արդյունավետությունը պիտի գնահատեն համապատասխան փաստաթղթերը: Առողջապահության նախարարը կարծում է, որ այդ մարմինները պետք է լինեն նախարարությունների ենթարկայության տակ, և չարժե ստեղծել շահերի արհեստական բախման խնդիր: