Աղբն է ավելի դուխով, թե մենք. Սոնա Աղեկյանի ուղերձը Հայկ Մարությանին
Երեւանի ավագանու նախկին անդամ Սոնա Աղեկյանը շրջայց է կատարել Երեւանի Շենգավիթ վարչական շրջանի Շիրակի փողոցում եւ ուղիղ եթերով ցույց տվել փողոցում թափված աղբը:
«Ուզում եմ հասականամ աղբն է ավելի դուխով, թե մենք ենք ավելի դուխով, որ կարողանանք մերժել աղբին: Եթե որեւէ մեկը կասի, որ այս աղբը մերև քաղաքացիներն են գցել, ես չեմ հավատա, որովհետեւ իմ ներկայությամբ մի քանի հոգի աղբը բերեցին եւ փորձեցին դնել վերեւում: Անգամ չեն մաքրում, չեն ալվում, այսինքն թքած ունի մեր քաղաքային իշխանությունը, ամռան այս շոգ օրերին, այս տապին համաճարակ է: Եթե չեք կարողանում կատարել ձեր նախընտրական խոստումները, որոնք 7-ն են, մենք պարտավոր ենք արդեն բարձրաձայնել, որ դուք միտումնավոր Երեւան քաղաքում ստեղծում եք մի իրավիճակ, որ մենք ունենանք համաճարակ, քաղաքը դիտավորյալ աղբակույտի է վերածվել, մենք երկու աղբավայր ունենք, սակայն դուք որոշել եք Երեւանը աղբակույտի վերածել»,-ասում է նա:
Սոնա Աղեկյանը ասում է, որ այս վերաբերմունքը քաղաքցիների նկատմամբ անհանդուրժելի է եւ շարունակվելու դեպքում ոչ միայն կմերժեն նրանց, այլեւ կկանգնեն դատարանի առաջ:
«Պարոն Հայկ Մարության մաքրեք քաղաքը աղբից, այլապես մենք կմաքրենք քաղաքը ձեզնից: Բավ է, երեւանցին արդեն հոգնել է եւ կանի իր քայլը եւ այս անգամ իր քայլը կանի մտածված»,- ասաց նա:
