Գեղարքունիքում «ՎԱԶ 2107»-ը վրաերթի է ենթարկել հետիոտնին, թողել է մեքենան ու փախել
եղարքունիքի մարզում, հուլիսի 3-ին մահվան ելքով վրաերթ է տեղի ունեցել. ժամը 16։30-ի սահմաններում «ՎԱԶ 2107» մակնիշի 35 MP 275 համարանիշի ավտոմեքենայի վարորդը Սեւան-Մարտունի-Գետափ ավտոճանապարհի 43․2 կմ հատվածում վրաերթի է ենթարկել հետիոտնին եւ, նրան թողնելով անօգնական, ինչպես նաեւ դեպքի վայրում թողնելով ավտոմեքենան, դիմել է փախուստի։ Վրաերթի ենթարկվածը տեղում մահացել է։
Shamshyan.com-ի հաղորդմամբ, ոստիկաններն ու քննիչներ պարզել են, որ մահացածը Արարատի մարզի Վեդի քաղաքի բնակիչ 69-ամյա Լեւիկ Հակոբյանն է, իսկ դիակից մոտ 50 մետր հեռավորության վրա հայտնաբերվել է վրաերթի ենթարկած մեքենան:
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական եւ քննչական համատեղ գործողություններ փախուստի դիմած վարորդին հայտնաբերելու ուղղությամբ։
