ՏԵՍԱՆՅՈՒԹ. Էսօր ծրագիր կա, որ մարդու անուն, ազգանուն, հասցեն, հեռախոսի համարը, կոշիկի ռազմեռը, լրիվ ասում ա. Փաշինյան

Կառավարության այսօրվա նիստում ՀՀ աշխատանքի և սոցիալական հարցերի նախարար Զարուհի Բաթոյանը ներկայացրեց «Պետական կենսաթոշակների մասինե օրենքում փոփոխություններ կատարելու մասին օրենքի նախագիծը: Այն կառավարություն էր ներկայացրել ԱԺ «Լուսավոր Հայաստանե խմբակցությունը: Քննարկմանն արձագանքեց նաև Արդարադատության նախարար Արտակ Զենայլյանը, ով նշեց, որ մարդը, ով անկողնային հիվանդ է, ստիպված է լինում տարվա ընթացքում 1 անգամ ներկայանալ բանկ, հակառակ դեպքում չի կարողանում օգտվել Կենսաթոշակային քարտից, քանի որ այն չի ունենում: Նիկոլ Փաշինյանը հայտնեց, որ խնդիրը պետք է լուծվի բացառապես ինովացիոն ճանապարհով: Տրանսպորտի, կապի և տեղեկատվական տեխնոլոգիաների նախարար Հակոբ Արշակյանը առաջարկեց համագործակցել տեխնոլոգիական լուծում գտնելու համար: Նրա խոսքով` այսօր կան հեռախոսներ, որոնք լուծում են նաև մարդկանց իդենտիֆիկացիային վերաբերող հարցերը: Փաշինյանն էլ հավելեց. " Էսօր ծրագրեր կան, որ փողոցում տեսախցիկը կախում էս մարդը տակով անցնում ա, անուն, ազգանուն, հասցեն, հեռախոսի համարը, կոշիկի ռազմեռը, երեկ ինչ ա կերել, ում ա բարեւել ում տուն ա գնացել, լրիվ ասում ա ...մենք ինչ ենք քննարկում":