ՈՒՂԻՂ. Մեկնարկել է Ավագանու նիստը
Ընթանում է Երևանի ավագանու հերթական նիստը, օրակարգում ընդգրկված է 16 հարց:
Քննարկվելու են ավագանու ֆինանսավարկային և տնտեսական հարցերի մշտական հանձնաժողովի նախագահ և նախագահի տեղակալ ընտրելու հարցերը:
Օրակարգային հարցերից մեկով առաջարկվում է «Իրինա Ռոդնինայի գեղասահքի մարզադպրոցն» անվանափոխել: Եվս մեկ հարցով նախատեսվում է Մարշալ Բաղրամյան պողոտայի հ.26/1 հասցեում գտնվող Հանրապետության նախագահի նստավայրը «Հանրապետության տուն» անվանակոչել: Սակայն, քաղաքապետ Հայկ Մարությանը, սակայն, հայտարարեց, որ հարցը հանում է օրակարգից։
«Այս հարցը վերաբերվում է ոչ միայն մայրաքաղաքին, այլև՝ ամբողջ հանրապետությանը, այստեղ ավելի լայն հանրային քննարկում է պետք, այդ հանրային քննարկումները երբ լինեն, դրանից հետո նորից կանդրադառնանք այդ հարցին», - ասաց Հայկ Մարությանը։
Ավագանին նաև քննարկելու է «Երևանի աղբահանություն և սանիտարական մաքրում» համայնքային հիմնարկ ստեղծելու և դրա կանոնադրությունը հաստատելու մասին հարցը:
