Վարչապետ Նիկոլ Փաշինյանի՝ մաքսատան տարածքից հեռանալուց հետո Aravot.am-ը զրուցել է մաքսատան աշխատակից Հայկ Մարտիրոսյանի հետ, որը բացատրել է, թե ինչու էր ՀՀ դրոշը գետնին հայտնվել: Նրա խոսքով՝ դրոշը փակցված է եղել դռան վերևում, պոկվել էր: Հետո ասել է՝ մի կողմ էին դրել, որպեսզի կրկին ամրացնեին: Ավելի վաղ հայտնել էինք` վարչապետ Նիկոլ Փաշինյանի այցը Նորագավթի ավտոմաքսատուն սկսվել էր աշխատակիցների հեռացմամբ: Սենյակներից մեկում աշխատակիցները դրոշը դրել էին անկյունում, այն ընկել էր ոտքի տակ։ Փաշինյանն այս անփութության համար ՊԵԿ նախագահին հրահանգել էր ազատել այդ սենյակում աշխատող բոլոր աշխատակիցներին։ Մանրամասները՝ Aravot. am-ի տեսանյութում: