ՏԵՍԱՆՅՈՒԹ․ Հիմա կարող ա ստեղ մի հատ էլ քուչի կռիվ սկսի․ Միջադեպ՝ Փաշինյանի՝ Գյումրի այցի ընթացքում
Գյումրիում վարչապետ Նիկոլ Փաշինյանը նկատողություն արեց ճանապարհներին շինարարության վիճակի համար՝ նշելով, որ մայթերը քանդված են ու քաղաքացիները այսպես հնարավորություն չունեն նորմալ տեղաշարժվելու: Նրա խոսքով՝եվրոպական որևէ երկրում նման բան չես տեսնի, ինչին ԼՀԿ պատգամավոր Սարիկ Մինասյանն արձագանքեց. «Էս փառք է հլը»:
Գյումրու քաղաքապետ Սամվել Բալասանյանը նկատողություն արեց Մինասյանին՝ ասելով, որ նա շատ է խոսում, իսկ ներկաներից մեկն էլ պատգամավորին «կլյաուզնիկ» անվանեց:
Այս միջադեպը զայրացրեց Փաշինյանին.
«Էէ, դե չեղավ ժողովուրդ, հիմա կարող ա ստեղ մի հատ էլ քուչի կռիվ սկսի, մի հատ հանգստացեք, այ քեզ բան: Մի հատ էլ իմ ներկայությամբ հիմա նմա՞ն բան եք անելու», - զայրացավ Փաշինյանը, որից հետո միջադեպը հարթվեց:
